Euskal Herriko Unibertsitateak ulertu du merezi duela pilatutako ezagutza teorikoa partekatzea.
Munduan lan gutxik biltzen dituzte hain dosi handitan beharrezkoak izatea eta, aldi berean, hain eskergabeak izatea, larrialdiei erantzuteko plangintzak adina.
Krisi-egoera larri baterako prestatu dugun plana ezin hobeto funtzionatzen badu, larrialdia erraz konponduko da eta inor ez da zaurituko; norbaitek ziur esango du: «Zenbat nahaspila sortu duten ezeren truke! Zein gehiegizkoak!». Baina, hori bai, biktimarik bada, hori ere zure errua izango da.
Dagoeneko hamar urte dira Euskadin arlo honetan lankidetza publiko-pribatuko eredu bat martxan dagoela. Eredu hori aztergai izango da datorren uztailaren 15ean EHUren Udako Ikastaroetan, Donostiako Miramar Jauregian.
Industrian gerta daitezkeen istripu larriei lotutako babes zibileko plangintza osoa, Europako «Seveso» Zuzentarauak hartzen dituen eremuak, lankidetzan garatzen dute industrietako teknikariek eta euskal agintaritzako adituek, unibertsitatearen aholkularitzarekin eta ingeniaritza-enpresa, aholkularitza-enpresa, ebaluatzaile eta ziurtatzaile onenen laguntzarekin.
Lan erraldoi horrek, logikoa denez, industriak berak finantzatuta, Seguridad KIMIKA ekimenaren bidez du bere proiekzio publikoa, eta oinarri zientifiko eta tekniko sendoetan bermatzen da, mundu mailan garatuen dagoen ezagutzan oinarrituta.
Euskal Herriko Unibertsitateak ulertu du merezi duela prozesu honetan guztian pilatu den ezagutza teorikoa eta, batez ere, praktikoa partekatzea eta, tira, bidenabar, plan horiek prestatzeko eta etengabe hobetzeko lanean nekaezin aritzen diren pertsonak aitortzea; izan ere, plan horien benetako helburua da inoiz erabili behar ez izatea.
Luis Blanco Urgoitik, AVEQ-KIMIKAko idazkari nagusiak, Empresa XXI aldizkarian sinatutako zutabea.
Artikulua PDFen: Seguridad_kimika en Empresa XXI
