Produktu kimikoekiko esposizio-arrisku baten aurrean, funtsezkoa da azkar jokatzea eta gomendio hauek jarraitzea:

1. Urrundu esposizio-iturritik ahalik eta lasterren, betiere horrek arrisku handiagoa dakarren bitartean.
2. Saihestu kosntaktu zuzena: ez ukitu isuritako substantziarik eta ez arnastu susmagarria den lurrunik.
3. Garbitu berehala ur eta xaboi ugarirekin, azalarekin kontakturik egon bada. Kendu kutsatutako arropa kontu handiz, eta saihestu gorputzeko beste eremu batzuek arropa horrekin kontaktua izatea.
4. Begiekin kontaktua egon bada, garbitu ur garbiz gutxienez 15 minutuz, igurtzi gabe.
5. Produktu kimikoa arnastu bada, bilatu aire garbia eta egon atseden hartzen. Ez erre eta ez egin ahalegin fisikorik.
6. Deitu 112ra edo joan hurbilen dagoen osasun-zentrora, esposizio mota, inplikatutako produktu kimikoa (ezagutzen bada) eta kaltetutako pertsonak dituen sintomak argi adieraziz.
7. Ez irentsi elikagairik, edaririk edo sendagairik, osasun-profesional batek horrela adierazi ezean.
8. Produktuaren ontzia edo etiketa eskura baduzu, eraman zurekin, identifikazioa eta tratamendu egokia errazteko.

Edozein kasutan, azkar jokatzea eta larrialdi-zerbitzuen adierazpenak jarraitzea erabakigarria izan daiteke osasun-ondorioak minimizatzeko.

Produktu kimikoak dituen instalazio batean sute bat gertatuz gero, funtsezkoa da behar bezala babestea, kea eta inplikatutako substantziak oso toxikoak edo sukoiak izan baitantzezke. Jarraitu gomendio hauek:

• Babestu zaitez leku itxi batean, hobekiago hurbilen dagoen eraikinaren barruko gela batean. Ez geratu aire librean, kea kaltegarria izan baitaiteke distantzia batera ere.
• Itxi ateak, leihoak, aireztapen-ritxikak eta pertsianak, kea edo gasak sar ez daitezen.
• Zigilatu zirrikituak zinta itsasgarriarekin, toalla hezeekin edo kanpoko airea sartzea eragotziko duen beste edozein materialekin.
• Ez erabili aireztapen-sistemarik, berogailurik edo kanpoko airearekin lotura duten aire girotuko gailurik.
• Urrundu leihoetatik, beroaren ondorioz edo leherketa baten ondorioz hautsi baitantzezke.
• Sintonizatu irratia edo kontsultatu kanal ofizialak (adibidez, @112_SOSDeiak Twitterren) informazioa jasotzeko eta noiz irten daitekeen segurtasunez jakiteko.
• Ez irten kalera agintariek adierazi arte.

Kanpoan egonez gero:

• Urrundu azkar haizearekiko norabide perpendikularrean.
• Estali sudurra eta ahoa trapu heze batekin, kea edo gasak arnastea saihesteko.
• Ez bilatu babesik ibilgailuetan, ez baitute behar besteko babesik ematen; sartu eraikin sendo batean ahalik eta lasterren.

Zure segurtasuna, neurri handi batean, azkar eta lasai jokatzearen eta agintarien adierazpenak jarraitzearen mende dago.